又到聖誕、又到聖誕！第一時間梗係去海港隔籬嗰個城啦，佢哋嘅聖誕燈飾真係好出色！

今年尖沙咀海港城以「聖誕心花放」做主題，將正門設計成一個聖誕花園，畀主題人物花仙子Hea，成個Concept出自本地著名設計師Andy Tong，花園內有巨型聖誕花、聖誕樹，而花園中間更有一個十呎高嘅巨大魔法水晶球，等我同囝囝走入水晶球內影番幾張靚相擺上Facebook！

布置家居係我強項，過年前想換張新餐枱，依家當然要做吓功課！

由十一月二十日至二○一○年一月三十一日，歐化傢俬同@Home自我家舉行周年勁減，最低三五折，抵到尖叫呀！

查詢：2333 6281

暖笠笠米線火鍋

天氣凍凍哋，又係時候打邊爐！魚米家推出咗「暖在您心鍋」系列，包括肥牛菜肉餃子鍋、小籠包紫菜千層豆腐鍋、番茄大蝦海鮮鍋、招牌魚腐雜菌鍋等八款口味，食客可自選鮮魚湯、麻辣湯或番茄湯鍋底，另配米線或白飯，唔使一百蚊一家人飽到上心口，今晚睇完燈飾食囉！

查詢：2524 4112

三好女鞋85折

叻太晚晚追劇，估唔到「三好」熱潮竟然蔓延到女裝鞋！最新AEROSOLES產品以「三好」為宗旨─好軟底、好軟皮、好軟墊，着落分外柔軟，更會為雙腳提供承托及緩震功效，絕對時尚舒適！由即日至十一月三十日，凡於各分店購買二○○九秋冬「三好」女裝鞋系列，更享八五折優惠，等我趁機入番對短Boot先！

查詢：2506 0277

溫馨提示：獅子座流星雨

好浪漫呀！今年嘅獅子座流星雨會响今晚至十一月二十日出現，高峰期約為香港時間十一月十八日凌晨五時四十五分。由於流星雨係一項極難準確預測的天象，較保守預測，屆時將有機會睇到每小時數十顆至數百顆流星劃破夜空。梗係要同老公一齊睇啦！好冧啫！

網址：www.hkas.org.hk/leonids

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝