買落多時嘅名牌高踭鞋，係時候要Show一Show，點知着落有啲刮腳，點算好？
叻太認為女人與其買名牌手袋，不如投資去買高踭鞋！因為男人係唔會望你拎咩手袋o架，明唔明呀？
前排撇甩老公同囝囝，相約一班好姊妹行街Shopping，一人買咗一對高踭鞋，着上腳，鬼火咁靚！尋日攞對鞋出嚟試着，點知腳踭位有啲啲刮腳，即刻打電話向靚太Nikki求救！「哦，近排網上流傳話响對鞋刮腳嗰度搽啲白酒就OK，我都試過，好神奇，真係Work喎！」
於是我跟住靚太Nikki咁講，照辦煮碗，哈，真係掂，聖誕節去Party有鞋着啦！
涼少少，即刻想食臘味飯同煲仔飯，老字號嘅臘腸優惠又嚟啦，正！
堪稱為婦女界盛事嘅榮華臘腸買二送一優惠日，首先於十一月十三日至十五日响港九區舉行，其他臘味、茶葉及各餅食同時都有優惠，後日早啲去排隊啦！
查詢：2477 9947
刨熟京都大阪米芝蓮
作為一個叻太，當然要樣樣識啲，由法國輪胎製造商米芝蓮公司發行嘅米芝蓮指南，向來被視為飲食天書，佢哋最近出咗《米芝蓮京都．大阪2010》。指南內揀咗過二百間京都及大阪地區嘅餐廳、酒店及溫泉旅館，我哋Plan緊農曆年去關西，所以我要刨熟呢本美食寶鑑啦！
提提你：
十一月二十日將發行更新版《米芝蓮東京2010》。
查詢：2831 8800
紓緩乾燥肌
囝囝皮膚乾燥，成日周身痕，今日經過萬寧，見到佢哋嘅自家品牌首次推出有機個人護理系列，其中有機糙米蘆薈紓緩沐浴露，不但含豐富維他命B，並獲韓國農產品品質認證有機糙米，最得我心係加入咗蘆薈精華，潔淨同時深入滋潤肌膚，我哋成家都啱用喎！
查詢：2299 3381
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝