作為MPV(Multi-Purpose Vehicle),要得到消費者的歡心,除咗車廂寬敞、座位夠多,仲要用途廣泛先至掂,好似Volkswagen嘅T5 Caravelle,車廂七個座位個個夠晒闊落,甚至開張枱出嚟搞番個「圓桌會議」都仲得,無論係進行流動商用會議,或假日闔家出遊,都同樣啱使!
共有四款型號的VW T5,分別是Transporter、Caravelle、Multivan和California,提供輕型貨車至頂級豪華七人車的內櫳設定,而且空間極之闊落,在德國、英國等地相當普及,全球累積銷量已突破一百萬輛,早年更獲得「國際風雲商用車」等多項國際殊榮。儘管Caravelle是大路的七座位布局,感覺卻有別於本港常見的MPV,造型和內裝都較為商務化,營造出專業、可靠的形象。
留意停車場高度
輸港的Caravelle只有3.2L 7-Seaters版本,動力源自3.2公升V6電油引擎,馬力和扭力分別達230bhp和32.1kgm,配搭六前速Tiptronic加減波箱,動力輸出線性而澎湃,即使車重超過2.3噸,滿載上斜也毫不費勁。另一方面,別以為車長4.89m的Caravelle難以操控,實情揸落與中型MPV相若,盲點位也不多,但必須注意不能駛進高度限制1.95m或以下的停車場。
內設茶几隨時開會
Caravelle的車廂布局靈活多變,中排兩張大班椅可作360°旋轉,置於走廊的茶几可作前後移位,需要時還可升高變成寫字枱,令車廂變成流動辦公室。此外,後排座椅還有獨立冷氣送風口和可調校角度照明燈,門邊預設了車用供電插頭,時刻可為手提電腦、手機充電,啱晒公務繁忙嘅人士。整體而言,Caravelle不僅是一部加大碼MPV,更是一部不折不扣的「實用王」,而且售價蠻經濟呢!
車檔案
車 型:七座位MPV
引 擎:V6
容 積:3,189c.c.
最大馬力:230bhp/6,200rpm
最大扭力:32.1kgm/2,950rpm
驅 動:前置引擎、前輪驅動
傳 動:六前速Tiptronic
制 動:(前)通風碟 (後)實心碟
車身體積:4,890×1,904×1,949mm
(長×闊×高)
售 價:$499,000起
查 詢:3698 9688
(Volkswagen HK)