正所謂「人不可以貌相」，像外貌溫婉可愛的詩雅（Michelle），竟然是嗜辣如命的小辣妹，更想將白滑的豆腐變身成火辣美食，果然天使面孔背後也可以是魔鬼，仲係一隻有勇無謀的廚房惡魔……見她的大作「辣椒豆腐」時心驚膽戰，幸好有大廚出馬教路，小妮子即變廚神！

最近加入影壇，並得到不少好評的Michelle，在廚壇上同樣經驗尚淺，雖然以前曾經為前度男友學煮愛心菜，但大都失手收場，最後惟有專攻炮製自己喜歡吃的甜品，更有一刻希望將來擁有自己的甜品店。不過Michelle今次不做甜品，反而越級挑戰，以豆腐做菜，無辣不歡的她還想加入辣味元素，且看大廚如何滿足她所有願望。

大廚話秘訣在豆腐上灑少許鹽蒸兩分鐘。再上少量生粉，以280℃高溫油炸，豆腐外層快速變金黃又唔易散。	第一課：拆骨起肉結果師傅出馬，先把細骨切去，再去掉脂肪、大骨，乾淨利落。最後才由Michelle將鴨肉切成小丁方。	第二課：炸靚豆腐豆腐好易散，只見Michelle嘗試多次，依然失敗。

百搭豆腐營養高

豆腐是Michelle其中一樣最愛的食物，打邊爐時更必選豆腐。豆腐含有豐富蛋白質、維他命A、B、鐵、鈣及磷質，但不含動物性脂肪，加上水分充足，易有飽肚感，所以吃豆腐不但有營養，還可補虛益氣、保護肝臟及降血壓，更隨時收減肥之效。對大廚來說，豆腐則是非常百搭的食材，無論煎、蒸、煮、炸、燴皆宜，加上豆腐本身味道清淡，可配搭不同材料，像這次加入如香葉、花椒、八角、指天椒及豆瓣醬等煮成的辣汁，濃烈的辣味中，依然吃出淡淡豆香。

面對原隻炸鴨髀，Michelle無從入手。

問你夠唔夠膽試！

川辣鴨子豆腐

材料：

硬豆腐　 1盒

馬蹄　 8克

燒鴨粒　 20克

青、紅西椒各2克

乾葱 　2克

蒜頭　 2克

唐芹　 2克

指天椒　 2隻

冬筍粒　 20克

調味料：

雞粉、糖、生抽、麻油及蠔油　各適量

辣汁料：

香葉、花椒、八角、指天椒、豆瓣醬、乾葱、蒜各適量

做法：

1. 先將唐芹、冬筍粒、葱蒜、西椒及切粒馬蹄炒香，再加入預先炸過的鴨肉粒。

2. 加入適量調味料後，放入先煮好的辣汁*，最後加入上湯及生粉芡。

3. 煮好的鴨肉料小心放於煎至金黃色的豆腐上，伴上點點辣汁即成。

*辣汁做法：

1.香葉、花椒、八角以油煉煮個半小時。

2.隔出油後，加入乾葱、蒜、指天椒及豆瓣醬煮香即成。

豆腐款式多

豆品一般分為豆漿、豆花、豆腐及腐皮四類，當中豆腐又以製法及質感分為多個種類。現時獨立包裝的盒裝豆腐，如百福豆腐，也選擇多多，亦較為衞生。

滑　豆　腐：口感嫩滑，水分較多，適用於涼拌、清蒸、煮湯或羹等。

布包豆腐：獨立用布包，浸於水中售賣，適合炸或釀。

硬　豆　腐：口感較硬，含水分較少，適用於煎、釀、炸或紅燒。

豆　腐　乾：脫水後的豆腐，即成白豆乾，或加汁料製成豆乾，再切成絲或粒炒製。