帶狗狗坐車絕非易事，事關佢哋戴唔到安全帶，又好難要佢哋全程郁都唔郁坐定定；細狗都仲好啲，可以放入狗袋，但係大狗就難搞得多。本田就相當體貼各位愛狗嘅車主，為旗下嘅SUV Element設計咗「Dog Friendly」裝備，最大特色係行李艙裝咗一個狗狗專用臥室，空間有成74.6立方呎，金毛尋回或拉布拉多等大型犬種都容納得到，尼龍墊位仲設有Cushion，包保狗狗坐得舒服。唔止咁，臥室下層仲有一條可收起嘅板梯，方便狗狗上落，唔使再擔心唔夠力抱狗狗上車啦！

特設12V風扇伺候，畀狗狗爽住遊車河。	臥室角落設有放狗糧嘅間隔，坐長途車都唔會餓親。	Dog Friendly係專為Element而設嘅裝備，可惜呢款車喺香港暫冇行貨，香港嘅愛狗車主得個「恨」字。