身邊朋友、同事讀過江記（江康泉）的漫畫，大抵都離不開好笑及可愛等評價，江記最擅長是將一些生活點滴化成有趣的點子再繪畫於「電腦」上，沒錯，江記就是在工作室的iMac前用繪圖板畫啊畫，將二十多吋電腦屏幕充當畫板，不出幾分鐘，飯氣公主、Pandaman、大偉同學、企鵝仔等多位江記筆下好友就會跟大家Say Hello。

其實說江記完全用電腦畫畫又不太正確，但至少比起很多漫畫家只是利用電腦作後期上色，又明顯「用腦」得多：「我仍然係用畫紙畫初稿，然後再Scan入電腦勾畫出角色輪廓；主要係電腦畫面唔似畫紙咁容易轉動，有些線條角度都係用手畫比較方便。」

江記仍堅持以手繪方法畫初稿，主要出於較易處理線條。	訪問當天江記還要趕交稿，所以一得閒就對住電腦起勢地畫。	漫畫內經常出現不少鬼主意，江記笑說很多靈感都是來自跟朋友「吹水」。

觸控屏幕 夢想畫板

江記使用電腦畫漫畫的最大原因就是夠方便：「現時很多印刷媒體都是利用數碼處理，用電腦繪畫後，即能直接經電郵交稿，可以減省好多繁複流程。另一個好處係在電腦上有得Undo，畫得唔好又或者突然間想作改動，只要Click幾下就搞掂，慳好多工夫！」不過江記覺得現時嘅繪圖設備還有改進的空間：「始終用繪圖板畫畫嘅感覺跟用畫筆唔同，如果有一塊好似枱面咁大、價錢又唔貴嘅Touch Screen屏幕畀我當畫板就好囉！」

是否使用電腦繪畫也要視乎作品性質，例如為文學雜誌《字花》畫封面時，江記就用回傳統的畫紙跟畫筆。	想睇番江記的「飯氣劇場」網誌，可到http://www.ricegas.com/。	江記每隔一、兩天就會在Facebook上更新四格漫畫，仲好歡迎讀者留低Comment。

數碼手繪 各有優勢

用繪圖板對住電腦畫，跟拎起畫筆在畫紙上繪畫又有幾大分別呢？江記認為不同之處在於感覺：「其實兩者的運作方式都好唔同啦，在繪圖板上畫畫，眼睛只係對住個芒，睇唔到隻手嘅動作。當然用電腦繪畫可較容易做到Sharp Edge嘅效果，不過如果講求筆觸，都係用畫筆畫紙較好，各有各嘅優點。」

眼見有些美術設計師可直接用滑鼠繪畫，江記也感到嘖嘖稱奇：「用繪畫板跟滑鼠畫畫嘅手感，就好似拎筷子跟石頭，明顯係用觸控筆方便，而且有番繪畫嘅感覺！」

Facebook 四格 直接反應

相信各位都可能上過江記嘅網誌（Blog），欣賞不停更新嘅四格漫畫，但這樣免費發布又怕不怕影響到印刷畫集的銷量呢？江記卻表示從不擔心：「買書的讀者跟網絡上的讀者好可能係兩班人，未必有衝突，而且每本畫集都會加入網上沒有的新故事，就算睇完Blog都一樣可以去買，哈哈！」。

除此之外，江記亦有將四格漫畫同時更新到Facebook：「Facebook上嘅讀者反應夠直接，會即時寫上Comment，有時仲畀到我靈感同題材添。」現時江記的Facebook有二千多位朋友，數量多過不少o靚模。

達人檔案

江康泉（江記）畢業於香港中文大學藝術系，後修畢香港城市大學創意媒體碩士課程，出版作品包括《瑕疵鞋》、《瑕疵鞋2》、《大騎劫─漫畫香港文學（上）、（下）》（跟智海合著）、《飯氣#001青春炒冷飯》、《飯氣#002拆掉城堡跑上街》

開工軟硬套餐

Ai+Ps美術軟件

不少美術設計師都會使用Mac機工作，而常用軟件配搭都離不開《Adobe Illustrator》同《PhotoShop》，雖然江記使用的不是最新的版本，但憑着創意和技巧，一樣有好作品！

Wacom Bamboo繪圖板

Bamboo Fun Pen & Touch

江記試用過多款繪圖板，最後都係覺得Bamboo較有手感，近期Wacom就推出新Bamboo Pen & Touch系列繪圖板，除感應筆外，亦可用手指操作電腦，使用上更自然、更人性化。

（中型：$1,540／小型：$900）