本着「Cheap星精神，服務地球人」宗旨的Cheaperman，收到隊長發出的最新指令，要深入佐敦的寶靈街進行地氈式搜索，搜集至抵情報造福香港人。寶靈街可說是第一代潮人的集中地，只因該區街邊檔林立，而當中的寶靈商場最耍家就係改衫店舖成行成市，不少明星都專程來此搵師傅改衫改褲呢！
魚蛋大大粒
Cheaperman初到寶靈街，發覺這裏的攤檔以售賣服飾為主，而且特別多童裝，正當Cheaperman以為今次的情報不太適合自己之際，竟然有一陣極之香濃、令人食欲大開的氣味飄來！Cheaperman的Cheap星觸覺話佢知，這股香味的確非比尋常，所以便追蹤着香味來源，終於來到一間街知巷聞的小食店，而香味源頭就是一窩咖喱魚蛋！
這一窩魚蛋的咖喱味極香濃，將Cheaperman所有的感官神經喚醒，最令人震驚是粒粒魚蛋都大到好似乒乓波！價錢卻超級超值，五大粒魚蛋只需$7，再加上其他特色小食如煎釀三寶、泰式魚餅、炸大腸、煎餃等等都香氣四溢，賣相吸引，令Cheaperman忍不住要坐低一試！至於Cheaperman有甚麼食評呢？咁大家要Click上ontv生活欣賞啦！
不怕風吹雨打
所謂貴人出門招風雨，Cheaperman品嘗完乒乓波魚蛋後，突然落起大雨，將他殺個措手不及，幸好得不遠處一間遮檔打救。這遮檔開業已十數年，雨遮款式特多，仲把把有名堂，例如一把孖頭巨無霸遮，一次過可以遮到三至四個人；另一把防風無敵遮更加係遮壇傑作，因為防風遮的特製遮骨被強風吹反後即時「反面」，絕對係颱風季節下的出街良伴。想睇吓啲「遮仔」有幾厲害？大家只要瀏覽ontv生活台就一清二楚！
網址：tv.on.cc
《就係咁易》去除煙味
ontv生活台新環節《就係咁易》，一向致力為大家改善生活質素，今次又有新發現！新禁煙條例實施後，不少煙民會走到街上吞雲吐霧，非煙民路過時，衣物不多不少都沾上煙味，如何可去除難聞的煙味呢？答案是只需要一個風筒！至於箇中蹺妙，大家就要Click上ontv生活台睇吓啦！