二手Vintage的服飾未必人人喜歡，不過一旦成為Die Hard Fans確實愛煞那種殘舊感覺。在一輪減價潮中，二手店美華氏亦由今日開始作一星期的大特賣，A&F背心、草帽、頸鏈及手袋等，一百蚊有找，四葉女關婉珊（Kimmy）梗係唔執輸，盡情去尋寶！

趕在暑期以最Hot的打扮示人，不論走在街上或到沙灘玩樂，都不少得一件性感的低胸背心，以草帽配搭背心短裙或牛仔褲，更是近年潮女的打扮，再襯上小巧輕盈的手袋，型格又有個性。美華氏今次大激安重頭戲落在Abercrombie & Fitch的背心身上，兼有埋副線Hollister，而且更有自家改裝再造的Deep V背心，極之適合炎夏作清涼的打扮，同場的草帽、頸鏈及手袋亦減至半價，大多數一百蚊有找，讓你以最低價塑造Retro Chic。

黑×杏色條子草帽原價$198 半價$99 A&F黃色低胸吊帶背心原價$78　半價$39 啡色串珠頸鏈原價$38 半價$19 藍色二手牛仔裙特價$128 黑色尖頭牛仔靴特價$780

紫色自家再造Deep V背心原價$128 特價$38 粉紅×黑色粗皮腰帶原價$90 特價$45 藍色牛仔褲原價$299 特價$199

最愛逛二手店的Kimmy亦激讚今次的減價貨品，「A&F及Hollister的背心無論顏色或款式均極之適合現時酷熱的天氣，只要簡單配上頸鏈或草帽，便能帶出涼爽性感的健康魅力。不過有些人未必喜歡二手衫的味道，我建議可改從配飾入手。皮手袋用得愈耐愈有Vintage感覺，而且方形和長形的袋款更滲有濃厚的復古氣息，即使以Tee加牛仔褲作配襯，已經能建立個人風格。」

紅色字樣自家再造Deep V背心 原價$128 特價$38	Hollister淺藍色喱士吊帶背心 原價$198 半價$99	Hollister黃色吊帶背心 原價$198 半價$99
草帶串珠飾邊草帽 原價$198 半價$99	啡色串珠草帽 原價$198 半價$99	銀黑色串珠頸鏈 原價$38 半價$19
藍x白色串珠心形頸鏈 原價$38 半價$19	啡色方形皮手袋 原價$590 半價$295	黑色閃片手袋 原價$190 半價$95

查詢：2802 6886