不少人都會趁住暑假遊山玩水拍照留念，所以Canon專為家庭用戶設計出SELPHY手提籃打印機，影完相插卡即可印出美好回憶，在新一代CP790更首次引入創意打印功能，嫌齋印相太悶的話，只需一按即可將相片變成明信片、月曆和貼紙相等，創意絕對攞滿Fun。

提升打印速度

Canon自上年設計出SELPHY手提籃後，旋即廣受家庭和女士們歡迎，今年加推CP790青綠手提籃，創新採用SELPHY DIGIC處理器，不單令打印速度大幅提升，印4R相片只需四十七秒左右，更支援創意打印功能，讓用家無需接駁電腦即可替相片進行加工，印製相片日誌、創意相框、月曆卡等。例如相片日誌可自行設定六種版面和背景顏色，然後附加十八種心情圖案，印出有趣照片後更可在預留的空位寫下日記。

SELPHY CP790採用手提籃設計，畀多$600另購一顆專用電池即可帶出街打印相片。	多合一讀卡器支援CF、SD、MMC、MS等二十多種常用記憶卡，還可透過PictBridge直駁打印。	中間操控鍵採用Easy Scroll Wheel滾輪設計，可360度轆住睇相和進行後期加工。

簡易操控介面

操控方面亦相當簡單，插入記憶卡後即可在三吋屏幕預覽相片，透過機面新設計的Easy Scroll Wheel滾輪快速揀相和進行後期設定。唔想插卡或駁線的話，用家還可另購USB藍芽和充電池配件，將CP790變身成無線流動打印機，在十米範圍內連接手機和相機等藍芽裝置即影即印，充電後足夠打印三十六張4R相，帶去沙灘和戶外夠晒方便。

創意功能1：加十二款相框 內置三吋顯示屏可即時預覽記憶卡內的相片，並加入相框和設定打印尺寸。

一按PRINT鍵便識得自動操作，大約四十七秒便印出4R無邊靚相。

創意功能2：變身相片日誌 提供相片日誌、月曆等功能，可設定六種Layout和十八種心情圖案。

印出來後除了可當月曆和明信片，還可在旁邊預留的空位寫字。

創意功能3：手機即影即印 唔想插卡或駁線的話，可另購USB藍芽組件（售價$380）進行無線打印。

安裝藍芽後便可無線連接手機、相機及PDA等藍芽裝置，做到即影即印的效果。

每張$1.6抵玩

唔好以為自己印相就一定比曬相舖貴，以一包一百零八張4R相紙連色帶套裝賣$168計算，SELPHY CP790每張打印成本都係$1.6。最重要是用家可按喜好設定打印尺寸和相片模式，除了4R、3R、2R和貼紙相外，機身更支援相片優化和自訂色彩功能，利用臉孔偵測技術修正背光和偏色相片，更可隨意轉換成黑白、懷舊等相片風格，發揮用家的想像力。

機檔案

打印技術： 300dpi熱昇華打印

顯　示　屏： 3吋TFT LCD

打印速度： 47秒（無邊4R）、24秒（貼紙相）

介　　面： USB、PictBridge、多合一讀卡器、紅外線

尺　　寸： 246.9×178×86.4mm

重　　量： 1.1kg

查詢: 3191 2333