尖沙咀舊水警總部的商場Heritage 1881終於開幕，唔少超級名牌都相繼進駐開分店，Richemont集團可以話係最大客仔，旗下多個品牌，好似Cartier、Piaget、Montblanc同IWC等都有份。雖然Montblanc分店仍在趕工，不過之前其品牌掌舵人Lutz Bethge訪港，出席其藝術人大獎頒獎禮時就透露，呢間新店最特別之處，是設有全亞洲首設的訂造筆嘴服務，客人只要經測試後，就可訂造適合自己的筆嘴，還可刻上個人名字，仲會有自己的筆嘴模，方便日後再訂造。