雖然話經濟麻麻，但去親茶記、快餐店，求其食餐飯都要幾十蚊，想平靚正真係唔易。主打正宗德國菜、位於金域假日酒店內的假日美食店（Delicatessen Corner），最近就唱反調賣大包！由即日起至九月十七日，外賣燒豬手每隻只需六十八蚊，每星期更會推出一款七折麵包，相當抵食。在優惠期內，餐廳又會舉行「德國美食精華遊」，讓大家無需外遊都可以品嘗來自柏林、石勒蘇益格─荷爾斯泰因、弗騰堡邦及巴登等不同地區的美食，例如傳統酸青瓜雜肉腸沙律伴芥末辣椒汁、暖酸忌廉芝士餅伴燴蘋果、焗紅椰菜魚柳圈配馬鈴薯蓉等，將會輪流登場，地道滋味滿瀉。

查詢：2315 1020