下個禮拜三就係《變形金剛：狂派再起》上畫日，間間戲院都爆到七彩，撲飛已經艱難，M&M'S仲要火上加油，宣布喺下周二（本月二十三日）下午六點鐘，於九龍灣UA Mega Box限量發售四十個、由本地原型師Dio太歲炮製嘅M&M'S博派首領「柯柏紅」八吋銅像，雖然排隊難免，但係造型咁生鬼，睇怕fans都幾難忍手。至於二十四日首映日一樣唔得閒，同樣喺九龍灣UA Mega Box，時間改為下午六點至晚上十點，限量發售三百套「終極爭奪限量版套裝」，內有全套M&M'S×變形金剛限量版朱古力、一套十款別注版變變變巨型萬字夾、美國特別版Tee及三款變形金剛造型嘅M&M'S Figures。講明先，以上精品每人限買一套，先到先得，唔早啲到場排隊，到時唔好怨。

網址：www.m-ms.com.hk

查詢：2176 6565