因着H1N1甲型流感疫情嚴重，政府宣布全港幼稚園及小學停課兩周，不少父母都打亂陣腳，本着「Cheap星精神，服務地球人」的Cheaperman，專程為大家四處找尋美食，讓一家大細享用抵食又好味的美食！第一站Cheaperman再訪粉嶺聯和墟，更認識到一位新朋友Ronald，他因為身形健碩，自比如大番薯，所以其餐廳亦以此命名。
脆皮豬手 聲音誘人
Ronald的餐廳設計簡約，令Cheaperman感覺相當舒適，胃口因而大增，而Ronald亦奉上一客重量級的芥蜜汁脆皮豬手，以及餐廳名菜地獄燒雞。面對大大隻的脆皮豬手，Cheaperman竟頓感無從入手，幸好Ronald願意出手代勞，取出刀叉為Cheaperman將脆皮豬手來個「骨肉分離」，而神奇的一刻亦出現了─當Ronald手起刀落之際，烤得極為鬆脆的豬手居然發出令Cheaperman驚訝的「咔嚓」聲響，這種絕對係全宇宙最「美味」的聲音！至於聲音如何「美味」，大家就要Click上ontv生活台洗耳恭聽啦！而Cheaperman嘗過外表鬆脆、肉質鮮味又惹味的豬手後，再品嘗由十多種香料醃製的地獄燒雞，同樣味道濃郁可口，Cheaperman食到肚腩脹卜卜！
甘薯批好 盅頭飯正
這時候，Ronald特製的薑汁甘薯批剛好出爐，此批真材實料，令人食指大動，所以Cheaperman就算再飽都要將薯批完全吞噬，果然甜而不膩，令Cheaperman回味無窮。告別了Ronald後，Cheaperman繼續游走於聯和墟，再找到一間標榜正宗盅頭飯的小店。一試之下，發現排骨新鮮、肥瘦適中、飯粒分明，加上豉油甜度剛剛好，令盅頭飯充滿傳統風味，果真如店員所講咁正宗！
用料高級 非凡意菜
雖然已經飽到上心口，但Cheaperman轉身就去到大圍繼續尋找美食，在一眾茶餐廳中，竟然找到一間於大圍少見的高級意大利餐廳，研究一番，用料矜貴嘅黑松露菌薄餅只要$125就食到，真係抵！薄餅香氣撲鼻，再加上幾滴黑松露油，味道非筆墨可以形容！飽餐一頓，Cheaperman走入廚房見識，而他同時發現此店對食材相當講究，巨菌蘑菇意大利飯所用的米由意大利直接進口，同時亦用上比橄欖油更健康的葡萄籽油烹調。
足料甜品 芳香滋味
之後，Cheaperman於大圍搵到一間特色甜品店，經店員推介就品嘗了三款甜品，當中桂花果凍食後齒頰留香，「雜果世界」就用料十足、「貪口爽」滋味無窮，想知道甜品如何美味？大家一定要瀏覽ontv生活台啦！
網址：tv.on.cc