不少討論區都叫網友唔好指明牌子或價錢，尤其面對敏感話題時，寫佢好又怕被人話賣廣告，寫佢差又怕秋後算帳，所以就出現了好多代名詞。好似網上見到有人想買芒話「三叔定三雀」，其實心水清的網友都知道，三叔即係Samsung諧音，而三雀則取ViewSonic三隻雀個嘜頭，完全係心領神會。之後有網友答「三叔同三雀差三魚喎」，咁你又估唔估到佢講乜？之唔係話：「Samsung和ViewSonic機價差三百元（即係三條紅衫魚）！」