早前阿媽睇無記，見到有個廣告用咗個小丑Icon，就問我係乜？其實呢個表情符號，最初只係代表傻傻地笑，但在高登討論區，當某人的言論十分「出位」，會員就會以小丑Icon作回覆，揶揄開Post的人「硬膠」，而畀小丑呢個行徑，則稱為「派膠」。跟住阿媽又問，咁「硬膠」係乜？呢個仲難答，小記惟有話，就係「好粗鄙咁話人戇居」。後來在繪圖程式的幫助下，各位網友亦由基本的小丑icon，演化成不同的圖案，如不滿、開火、驚恐、飲勝等等。