一到夏天，為咗着衫好睇啲，唔少人都會做Gym玩瑜伽收身，如果可以有個私人教練幫你計住消耗咗幾多卡路里就最Fit啦！Motorola最新推出的動感音樂手機W7，除了具有體感操作外，亦內置運動功能，做完運動，出完一身汗，都知道自己減咗幾多，收得有根有據。

今年Motorola發表的新機不多，而且幾乎全是平價大路型號的後繼機，較為突出的就是剛推出新顏色的MOTOSURF A3100。踏入第二季尾，Motorola再向年輕人市場進發，推出以動感功能做主打的W7，將機內的動態感應化身成為不同功能，更以「Shake it up」為口號，實行日日Shake，日日Fit！

放大圖片	計步器除了計算步數外，亦會將資料放到教練程式中分析。	W7內置「瑜伽教室」程式，方便在家中練習不同的招式。

跑步瑜伽 日日Fit

講到做運動，大家通常會想起跑步，所以MOTO W7將內置的動態感應化身成為計步器，等各位可以統計一下自己每日行路的步數。除了計算步數外，用家還可以設定每天消耗的卡路里及步行目標，手機不但會做好記錄，仲會出番個教練報告幫大家進行分析。另外，W7內置了「瑜伽教室」應用程式，用家可以對住手機練習不同的瑜伽招式，以後Keep Fit又多一個選擇。

手機的動態感應可應用到不同的操作，包括音樂播放和相片瀏覽或是敲兩下喚醒手機及反轉手機變靜音等。	內置跳繩等遊戲，全部支援動感操作。	支援microSD記憶卡，方便聽住歌做運動。

體感操作 起勢Shake

動態感應亦被應用到日常的手機操作，用家可以設定在瀏覽相片時，向左或向右搖來轉換相片；如果使用在音樂播放上，搖動手機就可以用作選曲及隨機播放，或是在待機模式下啟動音樂播放器，連內置的跳舞機、跳繩等遊戲，都支援動態感應操作，夠晒好玩。其他功能方面，備有二百萬像素相機鏡頭及3G連線功能，雖然不算高階，但作為主打入門市場的產品，都算足夠。

機檔案

制　　式：UMTS 2100 MHz/GSM三頻

屏　　幕：2.2吋26萬色TFT/240×320解像度

記　憶　體：內置30MB、支援microSD記憶卡

連　　接：藍芽1.2、USB

通話時間：480分鐘

備用時間：360小時

體　　積：97×49×16mm

重　　量：113g

查詢：2506 3888

兩頭唔到岸

W7嘅Shake Control同埋敲醒手機等操作，對Motorola嚟講係幾新鮮，之不過其他品牌都已經有咗年幾兩年，所以無論幾實用都好，感覺上真係好Out！同時有咁好嘅音樂功能，竟然唔支援3.5mm耳機，要另配Headphone，認真浪費！最後大家對於W7嘅外形設計真係不敢恭維，希望快啲有部靚仔後繼機推出！