本地勢力Hot Toys早前幫《Biohazard 5》（簡稱BH5）出咗男、女主角十二吋Figure後，今次輪到Game中大佬（Boss）—Albert Wesker，最大賣點係加入發光裝置，喺雙眼背後植入紅色LED燈，令雙眼「見紅」，再現呢個大奸角受病毒感染後嘅異常狀態。頭雕就由Kim Jung Mi操刀，再經JC.Hong上色及Yulli作後期監修，外觀相當神似。素體用咗新Body，體形更高，仲喺前臂雕出手筋，造型「青筋暴現」。服飾方面也幾「Matrix」，緊身衣配黑色皮革大褸，貼身又唔累贅，而且成套衫經過壓紋處理，印出黑色格仔暗花，未受壓嘅地方就有反光感，睇嚟Hot Toys都幾睇重呢個大奸角喎！

膠質衫料用壓紋技術印上格仔暗花，低調得嚟又幾花心思。	前臂特別雕埋青筋，落足誠意。	雙眼背後係紅色LED燈，着咗之後都幾得人驚。

查詢︰2388 4677