由E-Class房車版演變而成的E-Class Coupe，車廂寬敞、豪華，就連後排空間都可媲美四門房車，絕非睇得唔坐得的Dog-seat。外觀方面，新一代E-Class Coupe的流線造型不僅優雅美觀，雙門無B柱設計，凸顯了運動化的一面，還有低至Cd 0.24的風阻系數，是目前市場上氣動力效果最佳的Coupe車型。為了讓E-Class Coupe更趨年輕化，除了全車裝上擾流套件、鬼面罩改用星形廠徽外，車門也用上無窗框設計，看來廠方有意憑E-Class Coupe取代現行的CLK，成為平治新一代的雙門轎跑王。
闊落後排 超出預期
今次測試E350 Coupe，無論燈位起步或中段加速，只要深踏油門，澎湃動力即時奉上。同時，七速自動波箱的運作相當寧靜、換檔過程流暢，即使連拖兩個波都唔會「剒」，可以話轉咗波都唔覺。車廂配備同樣是水準之作，高級皮椅、大天窗，以至導航、泊車鏡頭統統有齊，連後排獨立座椅也提供極佳的乘坐感，高佬坐都唔會投訴。至於深受港人歡迎的AMG Sports package，也是E-Class Coupe的選配項目之一。
強化懸掛 適應力強
E-Class Coupe加入主動防護系統「PRE-SAFE」，偵測到即將發生意外時，便會即時啟動所有防護機制，將乘客的受傷機會減至最低。何況廠方已為新車配上Agility Control，可按實際需要對避震機反應作出調整，一般情況下，懸掛設定以駕乘感受為首要考慮；若加快速度入彎，懸掛將應用最高阻力，確保行車穩定性。另一方面，E-Class Coupe的引擎導入了直噴技術，綜合油耗可低至9.5L/100km，計落都唔使$1.3/km，油費隨時少過2.5公升級的車款。
車檔案
車 型：雙門四座位轎跑車
引 擎：V6
容 積：3,498c.c.
最大馬力：272hp
最大扭力：35.7kgm
極 速：250km/h
傳動：七前速自動波
驅動：前置引擎、前輪驅動
制動：（前/後）通風碟
售價：$768,000（E350 Coupe）
查詢：2895 7288、2764 6919（仁孚行）