受美國感恩節假期因素影響,本來已經平淡如水的港股更加無起色,昨日主板成交得613億元,恒指收市跌9點,報22,488點,早段高追者真係欲哭無淚。

港股成交咁奀,大戶要舞高弄低的成本相對便宜,不過既然資金炒股不炒市,Sammi亦繼續照跟,最多維持細細注及有胡即食兩大原則。昨日見隻震昇工程(02277)無端端抽升24%,位列升幅榜第四名,雖則早前公布中績無驚喜,但既然股價異動,不妨細細注投機性跟進,博有春江鴨入場先炒為敬,咁Sammi咪可以「借東風」囉!