80後買樓六年賺數球

一二年，Jerry買入元朗大棠尚悅高層單位，成交價420萬元，他以三成作首期，約126萬元買入樓花，並於一三年二月入伙，現與太太同住。當年二十九歲的他拿出逾百萬元上車，但他不是靠父幹，亦不是靠慳錢，而是靠個人投資眼光，早於○九年已經快人一步決定買樓收租。

投資屯門樓 回報4.8厘

任職地產代理的Jerry相信○九年香港樓價見底，看準屯門區發展潛力，故以逾10萬元作首期，買入屯門市中心一個作價約70萬元的單位，開始買樓收租。「從投資角度睇，屯門市中心一直受買家追捧，不論是流轉量、商場設施、交通配套及租金回報都受炒家歡迎，當時我出租的回報亦有4.5至4.8厘。」

一○年本港樓市開始暢旺，Jerry亦伺機再入市，承造三成按揭，以首期近70萬元買入屯門市廣場一個頂層連天台的單位，當年售價183萬元。「屯門市廣場附近正有另一個私人物業項目瓏門發展，我睇到樓市開始向上，加埋受惠瓏門樓盤的價格升幅，所以買嚟投資。」

不過，放租時總會遇上不交租的租客。Jerry表示，遇過教師租客失蹤，「曾經有租客畀咗頭三個月租金，之後突然失蹤，搵又搵佢唔到，結果要靠地產代理搵返租客，最後有1.5萬元租金追唔返。」

雖然偶爾收不到租金，惟Jerry額外與家人一起投資屯門區的其他樓盤。他眼見近年樓價升幅明顯，分別於一○年及一三年先後賣出屯門市中心及屯門市廣場的單位，兩者合共賺逾200萬元。

本地遏炒 寧投資海外

「我的投資策略係，當樓價升到心目中的目標就會放。○九年市中心的單位由70萬升到近90萬，都有近30%回報。而屯門市廣場的單位就升咗約一倍，都係我的目標價所以就放，轉手再投資其他物業。雖然你話早放賺少咗，但可以用同一筆資金投資其他物業賺返嚟。」Jerry靠物業投資把身家倍大，連同每年人工及佣金進帳，在數年間把身家升值至約400萬元。

一三年，政府突然出手推出雙辣招打擊樓市，令Jerry對本港物業投資卻步。「自從實施咗一系列的樓市政策之後，加埋環球經濟影響，我就決定投資內地市場。上個月我就買入一個位於中山市，價值62萬元人民幣的單位。」他表示，看中該樓盤是因為附近的地區發展，樓盤位於深中大橋入口附近，料樓價有明顯升幅。

近期本地樓市交投淡靜。Jerry認為，香港物業投資氣氛下滑，樓價將回調，惟跌幅最多15至20%，故投資物業前，要考慮個人投資時間及回報目標。「樓市有周期性波幅，但長遠一定升。如果有穩定收入及供款能力，要長線投資或自住的話，隨時都可以入市。但如果真係想短線投資，就等樓價跌15%左右先考慮入市。」

他亦指香港投資物業的回報及難度較從前困難，故建議投資者考慮海外物業。「海外地區好似加拿大等地無雙倍印花稅，無罰息期綁住，如買樓花，半年後睇啱價錢就賣得，唔似香港要畀罰息。」

市民購買第二個物業注意事項

雙倍印花稅：樓價的1.5至8.5%不等

額外印花稅：36月內轉售要繳付稅率為10至20%

總供款佔入息比率：40%或以下

壓力測試下之供款佔入息比率（假設現利率升3厘或以上計算）：50%或以下