魚缸Blogger：敏華控股盈喜帶動

敏華控股（01999）近幾個月主要喺高位整固，波幅區間11.7至14.8元，上周四成功收復10日及20日線12.9元附近，升近7%至13.18元，事關又有盈喜支持，後市值得睇好。

從事高檔傢俬銷售嘅敏華，預期截至今年三月底止全年純利將比前年大幅增長，主要受惠於海外市場銷售保持穩定增長、銷售及行政開支佔收入比下降，同埋外匯遠期合約收益大增，期內收入增長近兩成至7.35億美元。

其中內地方面，三、四線城市需求強勁，公司積極開店兼谷新產品，現時「芝華仕」同「愛蒙」品牌零售店數目逾千間，新產品如「Leath-Aire」科技布亦都成為增長亮點，盈利能力同前景均可觀。