SUN勢力：騰訊勢破600關

中央突然送大禮，推出滬港股市互聯互通，除咗券商股同AH折讓大的H股，其實來自內地主要行業但尚未在A股上市的股份，亦可受惠北水南來的機遇。

例如能源股同電訊股中，目前中海油（00883）、中移（00941）以及中國電信（00728）都未有在A股掛牌。不過講到吸引力，近年炙手可熱的科網業巨挈騰訊（00700），相信會係以上股份之上。

內地股民聽起呢啲大企業的名字分外親切，A股冇得買，透過滬港直通車來買貨的推想有一定依據，難怪昨日騰訊股價急升7.5%，收報563元。其實自日前回購消息見光後，騰訊已明顯扭轉近期弱勢，一旦今日再升，將突破個多月來的降軌同50日線阻力，短線有望收復600元關。