魚缸Blogger：李氏大藥廠佳績支持

多得份靚靚成績表，李氏大藥廠（00950）股價成功突破波幅區間7.92至8.22元，尋日再升5.3%，以8.64元收市，即市創出8.78元的一年新高，未有貨嘅話，不妨喺8蚊邊跟進。

李氏去年純利增長32.2%至1.5億元，營業額增長三成至6.9億元，均創歷史新高，毛利率升0.9個百分點至72.2%，銷售開支佔收入比由34%降至32%，反映營銷效率持續改善。繼安徽省合肥新生產設施啟用後，廣州市南沙新生產基地將於次季投產，產能持續擴大，競爭力亦提升。

睇番幅圖，李氏股價自一二年八月起沿住100日線上升，期間出現幾次假跌穿，但依然能夠屢創新高，加埋牛叉初現，走勢非常靚仔。