魚缸Blogger：復星國際值得跟進

有指復星國際（00656）有意競購「福布斯」雜誌，股價近呢兩日喺成交急增下，突破自去年十月起的波幅區間6.76至7.8元，尋日升近半成，以全日高位8.55元收市，下站先睇9.2元。

復星業務包括保險、產業運營、投資及資本管理，持有復星醫藥（02196）、復地、南京南鋼及海南礦業等產業公司。公司近日發盈喜，預期截至去年底止全年純利將比前年大幅增長。

近年醫藥股非常得寵，復藥一二年底上市後股價係咁破頂，而復藥亦持有國藥（01099），產業布局更加完善。至於保險業務，復星啱啱奪得葡萄牙Caixa Seguros控股權，係葡萄牙最大保險集團，單睇醫藥同保險兩大板塊已值得跟進。