因治「霾」概念而得寵嘅中國風電（00182），呢期利好消息不斷放送，除與華電福新（00816）合作外，公司啱啱發盈喜，帶旺股價上周五再升7.9%至0.68元，即市並創出7毫子的逾兩年半新高，可以候低喺0.65元樓下上車，阻力睇0.75元。

中國風電預期截至去年底止全年純利將按年大幅增長，原因係期內風電及光伏電廠發電量及EPC（工程、設備供應、建設）收入增加。另外，上月公司宣布配售8.8億股畀華電福新，每股0.43元，兩者將在風電及光伏項目合作，之後公司亦都趁高抽水2.58億元，以先舊後新方式配售6億股份，每股0.44元。雖然股價曾因而受壓，不過好快就挾番上嚟，可見業務發展受到睇好。

中國風電（00182）

阻力位：0.75元

支持位：0.58元