魚缸Blogger：中國外運鑊氣十足

內地物流股有得諗，皆因網購潛力龐大，上月底推介過嘅中國外運（00598），尋日即市一度挾到去2.8元的逾五年新高，埋單仍升13.1%，收報2.67元，成交額過億元，鑊氣十足，考慮到尋日升勢幾急，未有貨都可以等回調後收集，守住2.43元可小注跟炒，阻力睇3蚊。

中外運從事提供貨運代理、船務代理、海運、倉儲、碼頭及汽車運輸服務，母公司中國外運長航集團係內地最大國際貨運代理公司，範圍涉及海陸空，唔排除會再注資。另外，尋日大和出報告首次叫人買，話公司管理模式同物流網絡成熟，主要收入來自水路貨運代理業務，未來增長亮點包括第三方物流服務及國際貨運代理業務（與DHL成立的合營），若分拆蝕錢嘅海運業務（中期虧損3,510萬元人仔），變相集中火力發展物流，認為佢係行業首選，畀佢目標價3.3元，同現價差距23%。

中國外運（00598）