魚缸Blogger：李寧續有上升空間

四條一光棍節帶旺內地零售，李寧（02331）喺「京東商城」嘅訂單增長10倍，仲未計埋「淘寶網」、「騰訊拍拍」等電子商務平台，刺激股價尋日逆市升6.7%，收報6.8元，未來隨着庫存清理加快，股價仲有得上。

李寧主要以「李寧」品牌提供專業及休閒運動鞋、服裝、器材及配件產品，由研發、設計、製造、經銷、零售，以至營銷乜都包辦。公司今年上半年收入倒退24.6%至29.06億元（人民幣．下同），盈轉虧1.84億元，前年同期則賺4,429萬元，原因係期內推行變革計劃。

為咗減低渠道夥伴的現金周轉壓力，佢減少向零售渠道發售新品，同時自己精簡店舖網絡、提升新品銷售、增加現金流及整合資本結構。除中績好過預期（蝕逾2億元）外，毛利率亦由43.2%升至43.6%、資產負債比率由去年底的130.8%降至49.9%，可見改革初見成效。