魚缸Blogger：蒙牛乳業可再破頂

六月工信部話要爭取於兩年內將乳品行業集中度提高至七成以上，而蒙牛乳業（02319）自從入主現代牧業（01117）同買起雅士利（01230）後，表現亦係威係勢，股價屢創新高兼升咗10蚊有多，尋日再急升6.3%至31.75元，踩油收復10日及20日線，短線守得住31元嘅話，話唔定可以再破頂，唔大貪先睇35蚊。

蒙牛今年上半年收入增長13.3%至206.7億元人仔，純利增長16.3%至7.4億元人仔，期內毛利率亦升1.2個百分點至26.7%。

雖然今年蒙牛豪花百幾億元收購，不過雅士利有助公司進軍嬰幼兒配方奶粉市場，而現代牧業亦可以保證長期同穩定的優質原奶供應，上游下游通殺；另佢先後與法國Danone集團及丹麥Arla Foods合作，進一步提升技術創新能力，隨住版圖日益擴大，照計估值有上調空間。