魚缸Blogger：擎天軟件不妨跟炒

上周二以招股價1.45元掛牌嘅中國擎天軟件（01297），尋日股價終於浮上水面，即市創下1.63元的上市新高，埋單仍升近7%，收報1.53元。該股短短六個交易日內波幅驚人，高低位差距48%，有見中金喺上周三啱啱加注，揸貨8.15%，而富達同阿里巴巴集團亦都係大股東，擎天爆上有利吹熱阿里IPO，不妨吼位跟炒一轉。

擎天純利由一○年的4,654萬元人仔，增至一二年的7,623萬元人仔，期間複合年增長率28%，原因係國策推動IT行業增長、公司研發能力唔錯，同埋與客戶及江蘇省政府機構關係穩固。至於佢五大業務中，出口退稅軟件服務同電子政務解決方案，去年利潤率均逾八成。另外，中央積極支持軟件開發，如稅項優惠等，有指一五年內地資訊消費規模料逾3.2萬億元人仔，行業嘅發展前景不俗。

中國擎天軟件（01297）