魚缸Blogger：亞太衞星升勢未止

二月推介過嘅亞太衞星（01045），雖然畀中國航天科技集團係咁減持，但股價仍屢創新高，上周五即市一度挾到去6.88元，收報6.79元，逆市上升2.8%，至今累積升咗成4蚊，短線回調若唔跌穿10日線6.07元，小注博佢踢上7蚊。

主要從事在軌衞星、衞星電視廣播及上行服務、衞星電訊及數據中心服務等的亞衞，主要收入來自電訊客戶，其次為電視廣播客戶，佔比分別為67%及31%。

睇番成績表，公司去年多賺26%，至3.54億元，營業額升逾18%至9億元，皆因亞太7號衞星成功發射，順利取代亞太2R衞星，成功擴大客戶群，而截至去年底止，其使用率74.6%，仲有上升空間。今年亞太區、中東及非洲衞星轉發器市場需求保持增長，加上去年佢已同部分出名嘅電視廣播媒體續約，相信有助提供穩定的收入。