獲承租的灣仔莊士敦道35至45號地下，部分新舖呎租約一百一十元。

受內地旅客歡迎嘅銅鑼灣核心區街舖，租金升幅閒閒哋都以倍數計。不過，近排有好多吉舖嘅灣仔莊士敦道近修頓遊樂場一段，租金就明顯受壓，旺丁唔旺財，近排就連環租出幾個舖，呎租都係100元左右，同多年前差唔多。

獲承租的灣仔莊士敦道35至45號地下，部分新舖呎租約一百一十元。

湯文亮稱，釐訂新租金會考慮租客負擔能力。(資料圖片)

近期灣仔莊士敦道地舖租賃情況

紀惠集團啱啱租出嘅35至45號地下兩組地舖，租客分別係咖啡店同眼鏡舖，平均呎租都係110元。該集團行政總裁湯文亮話，現時經濟環境下，要與租客共度時艱，租金多少反而是次要。早前莊士敦道有好多個吉舖，不過依家業主無企硬租金，部分已經租咗出去，不過，就旺丁未旺財。

好似啱啱租出去嘅莊士敦道地舖咁，呎租都係100元左右，同對面尹記集團喺多年前簽落條租約呎租都係差唔多。資深投資者湯文亮同劉Sir講，佢哋莊士敦道有個巨舖，前租客係明記海鮮酒家，月租約22萬元，公司今年加租都好輕手，新租叫35萬元。

軒尼詩道舖新租倍漲

佢哋最終無續租，之後將上址「劏」成5個地舖。啱啱搵到兩個新租客，其中咖啡店租用兩個舖，面積加埋約2,000方呎，月租約22萬元，已經等於明記之前條舊租，餘下兩個地舖依家諗住一併放租，全數5個地舖租晒月租料共約50萬元。

有代理話，同街原本係旋記電器行租用，依家新租客裝修緊，呎租亦係約莫100元。而靠近銅鑼灣一邊嘅軒尼詩道有個藥房租期將到，畀另一間藥房以每月約23萬元搶租咗，呎租超過200元，新租加咗差唔多一倍。

另外，銅鑼灣富明街1至5號地下部分舖位，有時裝店剛續租，新月租估計大概26萬元，呎租大約250元，同舊租比有一倍升幅。

麗港城一籃子值20億

另外，半山衛城道有個連鎖快餐店租用多年舖位，都剛剛續租，料新租每月約15萬元。

市場有消息話里昂證券旗下基金舊年斥15億元，向恒隆地產（00101）買嘅藍田麗港城商場地下至2樓等一批樓面及車位，有個基金客好有興趣，市值料近20億元。