魚缸Blogger：宏通 小注博破頂

公司陸續派成績表，宏通集團（00931）發盈喜，帶動昨日股價升近7%，估計升勢唔會得一日貨仔，不妨吼位跟炒一轉。

宏通主要從事物業投資、電腦組件及資訊科技產品分銷，以及買賣證券，繼中期扭虧為盈後（錄得純利1,183萬元，前年同期則蝕42萬元），公司預期截至去年底止全年溢利將比前年大幅增長，原因係持作買賣投資的已變現收益及投資物業公允值收益所致。另佢喺去年將淺水灣一項物業大翻新，料完成及出租後可以增加收入。

宏通股價去年由8仙左右，升到依家兩毫幾，尋日喺成交急增下，即市曾經挾到去0.243元，接近掂到五十二周高位0.247元，如果短線回吐仲守得住上升裂口0.218至0.226元嘅話，小注博佢可以破頂。

宏通集團（00931）

阻力位：0.270元

支持位：0.215元