市場徐想：安東油服破頂可期

天然氣及鑽油設備股係過去半年表現最好嘅板塊之一，自從巨濤海洋石油（03303）同埋安東油田服務（03337）相繼發盈喜後，Prof. J覺得呢個板塊睇嚟真係被低估咗盈利能力。

安東油服發盈喜，預期截至一二年十二月底止全年業績，期內股東應佔利潤將較一一年同期錄得大幅增長。主要由於公司前期準備充分，而且本年度市場需求強勁。

內地政府預期二○二○年前天然氣佔整體能源比例，將由目前4%升至10%。如果內地加快天然氣價格改革步伐，對油田基建服務供應商如安東油服有利，短線炒業績有機會令股價破頂。不過Prof. J溫馨提示，雖然安東油服亦具頁岩氣概念，但暫時來自呢方面嘅盈利貢獻比例唔係好高。