魚缸Blogger：聯邦制藥 可博反彈

尋日推介嘅亞太衞星（01045）成功到價有凸，爆升兩成，收報3.49元。而另一方面，暴炒妹留意到近呢個月隻聯邦制藥（03933）跌得幾甘吓，尋日仲跌多半成，以接近全日低位3.45元收市，如果以上月高位4.23元計，至今累積跌幅18%，醫藥股嚟講算係跑輸大市，不妨(目及)實博反彈機會。

積極開發新產品

睇番積弱原因，除咗內地推出限價令同限抗（抗生素）令外，原來有消息指聯邦制藥再被揭發環保違規，旗下內蒙古生產基地或將面臨停產、整改等多項處罰，事件對公司的影響仍有待跟進。

儘管如此，行業嘅發展前景不俗，事關內地老齡人口過億，對藥品的需求有增無減，係國家重點扶持項目之一。聯邦制藥去年上半年原料藥同製劑產品如「聯邦菲迪樂」、「優思靈」、「聯邦他唑仙」等，銷量均比去年同期上升，另亦積極投入開發新產品，如人類胰島素等，相信將成公司的新增長動力。

聯邦制藥（03933）

阻力位：3.9元

支持位：3.0元