魚缸Blogger：星獅 不妨吼位跟炒

尋日地產殼股再度成為焦點，受內房龍頭萬科B轉H計劃落實帶動，前身叫南聯地產嘅萬科置業海外（01036），最多抽升近19%，而去年獲金地入主嘅星獅地產（00535），亦創出0.92元的五十二周新高，不妨吼位跟炒一轉。

睇番尋日爆上另一原因，原來上周五泰國富豪提價收購新加坡星獅集團，由每股8.88坡元升至9.55坡元，高過聯華企業為首財團提出的每股9.08坡元，令競購戰況升溫。截至去年九月底止，星獅地產全年純利激增1.4倍至近5億元，成績表搶鏡。去年九月金地以每股0.43元，收購星獅56.05%股權，而最新持股量已增至76.29%，雖然按例於借殼後兩年內，唔可以向收購的公司注入資產，不過有內房龍頭撐腰下，後市點都仲有啲睇頭。

星獅地產（00535）

阻力位：1.05元

支持位：0.80元