魚缸Blogger：第一上海 價細好炒

尋日郭樹清又出口術，話內地會積極推出合格境內個人投資者（QDII2）試點，容許居民以外匯投資於海外市場，刺激券商股升5.5至21%不等，想跟炒一轉嘅話仲未怕遲，暴炒妹心水係第一上海（00227），貪佢細細隻夠好炒。

除咗憧憬QDII2外，內地力推資產證券化，加上A股大轉勢，中資券商股實有着數。第一上海主要從事金融服務、直接投資、物業及酒店發展等，業務分布在香港、珠三角及長三角區域，尋日公司股價飆逾兩成，以全日高位兼五十二周新高0.91元收市，PB唔夠0.5倍，後市應該仲有追落後空間。睇番幅圖，股價自上月起沿住10日線反彈，尋日成交急增，如果成功升穿一一年八月高位0.98元，睇勢話唔定可以踢上一一年四月的1.16元。

第一上海（00227）

阻力位：1.16元

支持位：0.77元