魚缸Blogger：海信科龍 鑊氣十足
家電股海信科龍（00921）周一公布最高人民法院對格林柯爾系公司案件恢復執行，復牌後即市一度抽升逾8%，更創咗3.16元的五十二周新高，收報3.09元，升幅6.5%，以半日市而言，可謂鑊氣十足。
從事空調同冰箱產銷的海信科龍，今年首三季純利增長逾八成至5.95億元人仔，其中第三季更激增四倍至2.15億元人仔，成績表超班，相信部分原因係高端產品的銷售比重持續提升，同埋公司成本控制得宜。雖然家電下鄉喺明年一月就會結束，不過相信新嘅節能家電消費補貼政策，對海信科龍的產品仍然有利，反而其他家電零售商就較難睇好。
睇番幅圖，周一股價踩油收復10日線2.88元，短線若守得住嘅話，可博見去年七月高位3.42元。
