魚缸Blogger：宏基資本嶄露頭角

熱錢除咗持續流入港股外，喺商廈市場亦見其蹤影，帶旺上月推介過嘅宏基資本（02288），尋日即市創出2.16元的五十二周新高，收報2.15元，眨吓眼已經去到暴炒妹之前的目標，突破之後，下站阻力可上移到2.4元。

美聯（01200）最新數據顯示，今年十一月商廈買賣出現價量齊升，其中分類升幅嘅榜首係註冊金額逾億元的大碼商廈，價量分別增加一倍同三倍。宏基資本啱啱轉型發展地產等業務，首個位於九龍東海濱道嘅地產重建項目「宏基資本大廈」，上月合共賣咗21個單位，套現21.7億元。至於公司近日亦成功揮低13個財團，以約1.9億元獨資奪得佐敦官涌街住宅地，發展精品式住宅，另外仲成立合營投資上海商用物業，令佢喺行業中嶄露頭角。

宏基資本（02288）

阻力位：2.4元

支持位：2.0元