揀輪有學問 預咗會輸晒

不相信「世界末日」會降臨的「元朗股神」曾錦安，曾透過買賣「末日輪」獲利逾百萬元，他認為投資「末日輪」，必定要有「預咗輸晒」心態，同時選擇正股資產，最理想是除淨日或宣布業績期間相關「末日輪」，因為正股股價波動較大。

曾錦安早年投資富士康（02038）末日認購輪，最終富士康獲納入MSCI香港指數，結果獲利逾百萬元。他認為，投資「末日輪」要有「預咗輸晒」心態，「通常我會在一仙買末日輪，就算大手買入二、三十萬股，都只是二、三千元，有時更會同朋友夾，慳埋手續費成本，如果贏錢，一般都有四至五倍回報。」

至於如何選擇，曾錦安認為：「例如幾隻末日輪，相同正股，分別是二十二日、二十五日、二十七日到期，就要選二十七日一隻，因為之前到期的窩輪街貨已經死晒，所以上漲機會較大；選擇正股資產，就要揀除淨日或者業績公布時期相關股份末日輪，因為股價會有較大波動。」

吳家順：儲金等末日

華富嘉洛高級投資策略師吳家順更表示，隨着預言中末日即將降臨，已購入黃金作儲備，並且沽售股票來增持現金。「近期金價回落，屬抵買水平，因此買入十多條金條，合共約50両，末日來臨時或會發生世紀地震與海嘯，屆時非流動資產會大幅貶值，紙幣制度將崩潰，黃金及白銀會是最值錢貨幣，但因以同一體積而言，黃金價值較白銀高，相對攜帶方便，因此選擇黃金。」他續說：「最近股市轉好，恒指在22,600點水平，我沽掉大部分持貨，留現金備用。」