魚缸Blogger：保利協鑫圓底回升

光伏股愈升愈有，皆因內地光伏下鄉，其中上月暴炒妹推介過嘅順風光電（01165）非常搶鏡，股價連飆兩日，累積升幅37%，眨吓眼已經突破當日目標0.34元。唔鍾意新面孔嘅話，都仲可以候低收集龍頭保利協鑫（03800），尋日亦逆市升3.3%，收報1.53元。

除咗今年合共撥款130億元人仔外，中央再度出招打救光伏產業，全力推動太陽能發電大規模進入農村地區，農戶同生產商只要選用符合市場需求的太陽能發電產品，就可以獲得補貼，配合埋城鎮化同農業現代化過程，太陽能產品得以進一步普及，作為全球四大多晶硅生產商之一的保利協鑫料可受惠。睇番幅圖，留意到公司股價醞釀圓底回升，可博升穿頸線1.61元見七月高位1.77元。

保利協鑫（03800）

阻力位：1.77元

支持位：1.39元