市場徐想：光大國際食正國策

「十二五」規劃中，點名要重點處理垃圾「無害化」問題，而中央拍板利用垃圾焚燒發電方式去處理垃圾，光大國際（00257）作為行業龍頭之一，自然可以受惠。

光國管理層話今年底前將有一個垃圾發電同兩個水務項目建成，意味着相關建設收入可以明年入帳，帶動建設費收益。加上手頭上9個垃圾發電項目之中，有7個已經開始動工，可以帶動未來兩年建設費收入進一步增加。光國食正環保國策，前途理應一片光明。不過，Prof. J認為綠色工業始終都係新興產業，依家光國就好似買咗個期權咁，要等佢儲夠經驗值同時間值，才能「一遇風雲便化龍」。