魚缸Blogger：大成糖業炒味夠濃
尋日兩隻玉米加工股爆上，大成糖業（03889）同西王糖業（02088）分別升18.6%及7.9%，有傳內地有見行業供求失衡，或會啟動新一輪食糖收儲，如果係真嘅話，將會對糖價有支持作用，加上大成糖業的母公司大成生化科技（00809），昨亦急升11.8%，大成系炒味夠濃，點會得一日貨仔！
大成糖業主要生產由玉米提煉而成的產品，因今年原材料玉米成本瘋漲，令公司中期虧損1.07億元。玉米愈來愈貴，市場憧憬中央出招穩定食糖市場價格，加上在持續高成本下，小型生產商或頂唔順「摺埋」，屆時公司可受惠於規模上嘅優勢，何況壞消息亦已反映得八八九九，短線回吐守0.64元可小注，博反彈上四月高位0.82元。
大成糖業（03889）
阻力位：0.82元
支持位：0.60元