市場觀望美國總統選舉結果，大市尋日表現牛皮，恒指埋單跌61點，失守22,000點關口。Sammi覺得邊個當選都無所謂，主要係睇吓市場點演繹，同埋啲大戶想做上定做落。港股尋日雖然有回吐，但係頁岩氣概念股就有資金追捧，多隻股價均創新高，頁岩氣係國家未來發展重點，估計呢個概念仲有排炒，唔怕逢低買入。
