魚缸Blogger：中國中鐵業績省鏡
尋日鐵路基建股成功跑出，中國中鐵（00390）、中鐵建（01186）、中國南車（01766）同南車時代（03898）升幅介乎6.5至7.6%不等，其中中鐵及中鐵建即市同創五十二周新高，歸根究柢，估計都係因為中鐵啱啱出咗份省鏡嘅成績表！
中鐵係內地鐵路建設承包商嘅主力，今年公司第三季純利18.82億元人民幣，按年增長近七成，期內新簽合同額增長逾兩成至4,506.1億元人民幣，睇到喺中央穩增長兼追加鐵路基建固定資產投資規模下，佢嘅利潤同訂單明顯有大躍進，全年業績有信心保證，就自然成為升市先鋒。
睇番幅圖，股價已破旗形，14RSI未算超買，若短線仲守住喺10日線3.72元樓上，上望4.5元。
中國中鐵（00390）
阻力位：4.50元
支持位：3.72元