魚缸Blogger：中廣核礦業博反彈
上周四核電股因為內地通過「十二五」核電中長期發展規劃而炒起，其中中廣核礦業（01164） 即市一度爆升逾兩成，可惜收市升勢無以為繼，只係升得3.4%，翌日仲跟住大市插番4.4%，波幅咁大真係幾蝦人玩！
國務院會議表示會穩妥恢復核電正常建設，令市場再一次憧憬內地將於今年內重批新核電項目，但講到明屆時安全要求會提高至全球最高標準，即係行業發展門檻高咗，所以並唔係隻隻核電股都會受惠。中廣核勝在後台硬淨，配合國策支持，隨時有機會獲控股公司中國鈾業發展注入資產。
走勢上，中廣核10日線及50日線匯集在0.79元區域，短線守得住的話，可留意博旗形反彈嘅機會，阻力位先睇上次高位1.05元。
中廣核礦業（01164）
阻力位：1.05元
支持位：0.79元