魚缸Blogger：金蝶短線反彈持續
尋日魚缸收市未能企穩兩萬關樓上，認真唔好意頭，之不過如果尋晚伯老無亂講嘢嘅話，今日再衝關應該仲有希望。
繼尋日突襲西藏5100（01115）得手後，資金似乎仍然依戀價殘股，雖然金蝶國際（00268）現價較舊年高位唔見近八成，但近日喺成交支持下沿圓底反彈，且集團嘅雲端運算業務甚有睇頭，短線再上嘅值博率仍然存在。即使金蝶已發中期盈警，但雲端產品似乎係IT業未來嘅大趨勢，加上集團部分業務符合國家軟件企業資格，可望獲得政府扶持，而最近又喺台灣設分公司拓展亞太區業務，前景仍值得憧憬，配合股價MACD牛叉擴闊現買入訊號，阻力先睇1.3元。
金蝶國際（00268）
阻力位：1.3元
支持位：1.0元