市場徐想：騰訊發展一日千里
科技一日千里，互聯網嘅發展鋪天蓋地而嚟，睇到呢排科技股不斷上升，結合住互聯網趨勢激發嘅強勢網絡股，自然睇高一線！
騰訊控股（00700）大家都知佢喺中國提供互聯網增值服務、移動及電訊增值服務以及網絡廣告服務。隨住三網融合嘅趨勢，QQ配合國策，愈騰飛愈迅速，認真唔嘢小！中國互聯網市場用戶總數持續增長，用戶人數喺二○一一年增加12.2%，合共5.13億人。騰訊走在時代尖端，推行嘅騰訊微博，用戶人數同活躍度近年都大幅增加！另外，騰訊亦高速地向世界出發，例如旗下Riot Games嘅網絡遊戲英雄聯盟，喺美國、歐洲、台灣、南韓同中國都廣受歡迎。公司投資嘅合作公司Mail.ru已經喺俄羅斯市場打響頭炮，喺廣告、互聯網增值服務以及遊戲收入方面錄得大幅增長。
睇番數據，集團業績繼續火箭式上升，一一年盈利按年上升26.7%，現價市盈率35.7倍。