魚缸Blogger：華潤電力醞釀破位
雖然歐美股市前晚積極反撲，但港股尋日似乎未熱好身，高開低收，仍未擺脫二月以來嘅下跌通道，後市續以上落市居多。
走勢落後嘅電力股，尋日終現開車迹象，當中可留意醞釀破位嘅華潤電力（00836）。雖然潤電舊年純利按年倒退近一成，但主要受累燃煤價格上漲所致，而自阿爺早前將合同煤價升幅定喺5%後，相信發電企業今年嘅經營狀況應有改善，加上尋日消息指華南地區嘅供電轉趨緊張，且內地又將踏入電力需求旺季，料未來幾個月電力股將會變得有價有市。而潤電近年嘅售電量增長一直高過全國平均水平，配合股價正營造島形底反彈，量度升幅阻力不妨先睇15.5元。
華潤電力（00836）
阻力位：15.5元
支持位：14.0元