魚缸Blogger：中糧博返6元樓上
昨滬綜指急挫逾2%，令前日升得好哋哋嘅港股掉頭向下，好彩上升裂口未完全補番，大市短期內應該繼續喺區間內上落為主。
中國糧油（00606）舊年多賺四成，至23.6億元，比起一眾股價急跌嘅民企，作為內地最大油籽柏同食用油生產商、兼且母公司係中糧集團嘅中糧，自然穩陣得多，加上內地上月CPI急降至3.2%，相信可進一步減輕集團成本上漲嘅壓力，更重要係可以帶嚟提價空間，再配合暴炒男早前提過嘅消費月喺四月頭展開，到時食品股應可睇高一線。中糧近周股價低見5.14元後緩步回升，不妨現價部署，博佢慢火煎魚，重返6蚊樓上。
中國糧油（00606）
阻力位：6.2元
支持位：5.0元