牛熊對壘：短線跟勢做淡博恒熊60394

三月份期指結算兼季結前，西班牙爆出拍債成績不佳的消息，外圍唔掂，港股立即腳軟軟，把前日的升幅跌走一半，收市報20,885點，跌161點，主板成交553億元。

日前配股的利豐（00494）昨日頂唔順，急挫5.2%，是跌幅最大的成分股，成交股數大增，相關窩輪選擇都有成廿幾隻咁多，Call佔大多數，Put只有一隻咁大把，昨日躋身十大升幅榜第二位，彈升94%。

相比起利豐，榮辱互見的中小型業績股可以用跌到「無譜」來形容，國美（00493）大跌21%，低過所有大行給予的最新目標價，只是市場上無輪商對此股有興趣，無相關窩輪，投資者避過一劫。有人視近日跌市為民企風暴，業績期令問題數字曝光，原因之一是去年資金緊，銀行唔放貸，市場又唔易抽水，危機四伏的情況嚴峻，但成分股份量全部有番咁上下的恒指就續炒Range，由二月份開始至今一直在上下一千點左右游走，反映市場恐慌情緒的恒指波幅指數昨日甚至跌至「好淡定」的18.87水平，是去年八月以來的另一低位。

震倉後部署入市

前日佔大市比重高至12%的沽空，昨日終見收斂，只有48.68億元，佔比回落至8.7%。大市全日高低波幅輕微擴大至191點，牛熊證市場氣氛緩和，成交按日增20%至58億元，有7隻牛證及4隻熊證被打靶，窩輪成交就微跌0.2%至68.02億元，加埋牛熊證共佔大市比重21%。

還有兩日就踏入第二季，大行又開始拿起水晶球做預測，好淡兩面都有捧場客，但見慣風浪的基金經理就認為四月表現有機會好過三月份，因中央會放水，加埋歐美兩地根本未收緊現時市場的流動性，資金仍然好充裕。震倉後可部署入市。不過，要睇實內地三月份CPI數據會唔會出奇不意的嚇你一驚同高油價對經濟復甦的影響。

恒指一口氣跌穿20日及50日線，估計三月埋單都係跌市收場，跟勢而行可考慮小注做淡，恒指摩通熊（60394）今年七月三十日到期，收回點數21,800點，槓桿比率約十五倍。